Qytetarë dhe anëtarë të shoqërisë civile kanë protestuar mëngjesin e sotëm përpara godinës së Kryeministrisë, kundër ndërtimit të hidrocentralëve në lumenjtë e vendit.
Në protestën e organizuar nga “Eco Albania”, protestuesit mbanin në duar pankarta ku mbishkruheshin thirrje kundër ndërtimit të hec-eve, që konsiderohet prej tyre si akti gjenocidi.
Protestuesit u shprehën se me ndërtimin e këtyre hec-eve, shumë njerëz rrezikojnë të humbin shtëpitë, tokat bujqësore, ujin e pijshëm, furnizimin me ujë për vaditje dhe peizazhin e trashëguar prej brezash.
Ndërkaq, protesta të kësaj natyre janë parashikuar të organizohen në të gjithë Ballkanin deri më datë më 16 korrik.
