Kryetarja e grupit parlamentar të demokratëve, Rudina Hajdari, ka reaguar në lidhje me vizitën e ditës së sotme të presidentit të Republikës, Ilir Meta, në qytetin e Tropojës, ku do të marrë pjesë në një aktivitet në nderim të liderit të lëvizjes studentore të vitit 1990-1991, Azem Hajdarit.
Deputetja ka denoncuar se është penguar të shkojë në Tropojë, “sepse kështu urdhëroi Partia”, duke u kërkuar kreut të shtetit dhe kryebashkiakut aktual, Besnik Dushajt, që të lënë një mesazh në bustin e të atit, Azemit.
"Zoti President dhe zoti Besnik Dushaj, kur të jeni sot para bustit të tim ati në Tropojë, duke u hequr si pro-Amerikan të thekur, mos harroni t’i thoni tim ati që fëmijët e tu nuk janë këtu se kështu urdhëroi Partia. Mua më ndaluat të vij në Tropojë, por në Kosovë jo. Rrugë të mbarë."- shkruan Hajdari.
