Shifrat që KQZ ka dhënë në lidhje me pjesëmarrjen në votime gjatë zgjedhjeve lokale të 30 qershorit kanë ndryshuar disa herë.
Fillimisht, rezultati paraprak i dhënë nga KQZ në lidhje me pjesëmarrjen në votime ishte 21.6%.
Në të dhënat më të fundit të Komisionit Qendror të Zgjedhjeve, në total, rezulton se kanë marrë pjesë në zgjedhje 812 249 votues, nga 3 536 015 persona në listat zgjedhore, pra 22,9% e votuesve.
Të tjera shifra janë publikuar në faqjen zyrtare të KQZ, ku numri i votuesve në përqindje shënohet 24.12%.
Këto mospërputhje të shifrave të publikuara nga KQZ krijojnë dyshime në lidhje me vërtetësinë e tyre.
