Teksa procesi i numërimit të votave ka përfunduar në 29 bashki të vendit dhe po vijon në të tjera njësi vendore të mbetura, janë hasur mospajtime të shifrave të publikuara nga Komisioni Qendror i Zgjedhjeve (KQZ).
Pas shpalljes së rezultateve përfundimtare në Bashkinë e Urës Vajgurore, është evidentuar një mospërkim mes treguesve të pjesëmarrjësve në votim dhe të totalit të votave.
Bëhet fjalë për kandidaten e Partisë Socialiste, Juliana Mema, që garoi për të fituar një mandat të dytë si kryebashkiake. Në të dhënat e përpiluara në tabela nga Komisioni Qendror i Zgjedhjeve (KQZ), Mema shpallet fituese me 7,666 vota, ndërkohë që numri i votuesve i bërë i ditur nga organi zgjedhor mbrëmjen e djeshme pas mbylljes së votimit, ishte 5900.
Më poshtë tabelat e KQZ-së për pjesëmarrjen në votim dhe për rezultatet përfundimtare:
