Lazio kërkon në Turqi zëvendësuesit për dy pedinat e mesfushës Lucas Leiva e Sergej Milinkovic Savic. E gjithë vëmendja e bardhekaltërve është përqendruar tek Dorukhan Tokoz, 23 vjecari i Besiktas, nën kontratë deri në 2021. Një zgjidhje për të mbuluar ikjen e Badelj, i mbërritur një vit më parë me parametër zero nga Fiorentina, pikërisht si alternativë e mesfushorit brazilian.
Për Tokoz, mesfushor shumë i aftë në markaturë, tratativa mund të mbyllet për shumën e 10 milionë euro, pas një sondazhi të parë nga Lazio, që u soll rreth 7 milionëve. Drejtori Sprotv bardhekaltër Igli Tare po vlerëson edhe një tjetër pistë turke, ajo që të con tek Yunus Akgun, 18 vjecari i Galatasaray. Nën shënjestrën e Tares që nga 2018, me shqiptarin që po monitoron situatën e tij kontraktuale: skadenca në 2020 e Akgun nuk ka ndërmend të rinovojë me Galatasary, që mund të detyrohet ta shesë në këtë sesion merkato me cmim të ulët, për të mos e humbur me parametër zero.
Në Turqi po kërkohet edhe për një lojtar që të marrë vendin e Milinkovic Savic, shumë i kërkuar në merkato. Yusuf Yazici, 22 vjecari i Trabzonspor, është shumë i ngjashëm me Milinkovic për mënyrën e lojës: forcë e kapacitet për tu infiltruar, duke nisur nga mesfusha. Trabzonspor kërkon 20 milionë për ta shitur, por për të lëvizur Lazio pret ende të njohë cfarë do të ndodhë me serbin.
