Vijon të jetë shumë shqetësuese situata në të gjitha bashkitë e vendit, që drejtohen nga përfaqësues të opozitës së bashkuar joparlamentare, pasi është kërkuar që të lirohen ambientet e përdorura nga Komisionet Zonale të Administrimit Zgjedhor (KZAZ), pas dekretit të presidentit të Republikës, Ilir Meta, për shtyrjen e zgjedhjeve të parashikuara më datë 30 qershor.
Një prej vatrave më të nxehta të përplasjeve ka qenë Bashkia e Kamzës, ku me dhjetra qytetarë janë grumbulluar sot përpara gjimnazit “Ibrahim Rrugova”. Gjatë përplasjeve mes forcave policore dhe përkrahësve të kryebashkiakut demokrat, Xhelal Mziu, raportohet se një efektiv ka humbur ndjenjat në ambientet e KZAZ-së dhe është transportuar menjëherë drejt spitalit për të marrë ndihmën e nevojshme mjekësore.
