Gjatë forumit mbi Ballkanin Perëndimor të zhvilluar në Londër, me organizim të prestigjiozes "Financial Times", kryeministri Rama ka folur me ironi për protestën e opozitës.
Rama ftoi investitorët dhe turistët britanikë të mos frikësohen nga protestat, por të investojnë dhe të vizitojnë Shqipërinë. Ai i tha britanikëve se ata mund të prenotojnë një vend në distancë dhe të kënaqen me protestat e opozitës.
“Nëse doni të shikoni protestë mund të prenotoni një vend në rrethina, dhe nuk është i gjithë vendi në flakë, është vetëm në bulevardin kryesor. Ata vijnë, bëjnë gjërat e tyre, hedhin molotovë, por nëse qëndroni në një distancë të arsyeshme mund të kënaqeni.
Kur e shikoni Shqipërinë sot nëpërmjet fotove, mund të mendoni se nuk është vendi të shkoni të investoni apo notoni. Jo, është. Nuk është populli që po revoltohet. Është thjeshtë politikë. Protestat mund të jenë pjesë e paketës sonë turistike. Njerëzit mund të vijnë, si në koncerte dhe të shohin protestën e të premtes në orën 20:00.”–tha Rama.
