Në aksin rrugor Tuneli Kalimashit-Kukës ka ndodhur një aksident, ku për pasojë ka mbetur i vdekur një person, ndërsa dy të tjerë janë plagosur.
Personi që ka ndërruar jetë është drejtuesi i automjetit me iniciale P.M, ndërsa dy pasagjerët me iniciale H.D dhe E.H janë plagosur rëndë.
Drejtuesi i mjetit tip "Opel", ka humbur kontrollin dhe për pasojë ka dalë nga rruga.
Të plagosurit janë nisur me urgjencë drejtë Spitalit të Trumës në Tiranë, ndërsa grupi hetimor është duke punuar për zbardhjen e plotë të shkaqeve të ngjarjes.
