Deputeti i ri i Kuvendit nga lista e PD, Lefter Maliqi ka deklaruar se do të djegë mandatin e deputetit në rast se vendi do të shkojë zgjedhje në 30 Qershor.
I ftuar në emisionin ‘Zonë e Lirë’, Maliqi theksoi se në 30 qershor nuk duhet të ketë zgjedhje, pasi vendi nuk duhet të shkojë në luftë civile.
“Në 30 qershor nuk ka zgjedhje. Nëse do të bëhen zgjedhjet unë do të djeg mandatin. Por nuk mund të ketë zgjedhje pasi nuk i njeh askush’, deklaroi deputeti i Beratit, Lefter Maliqi, i cili zvendësoi homologun e tij mandatdjegur të PD-së, Astrit Veliajn.
