Një lamtumirë e dyfishtë që ka shpallur fillimin e revolucionit në shtëpinë Milan. Në të njëjtën ditë klubi kuqezi ka zyrtarizuar ndarjen me Drejtorin Sportiv dhe trajnerin: si Gattuso, ashtu dhe Leonardo kanë mbyllur raportin me kuqezinjtë për diversitet mendimesh mbi projektin Elliot. Por është edhe një çështje e lidhur me raportet e brendshme, jo shumë të mira me drejtuesin brazilian, ndërsa për Gattuso ka qenë themelore edhe trysnia pas 18 muajsh të vështira në të cilën ka përballur edhe një ndryshim pronësie dhe shumë kritika.
Gattuso ishte i stresuar nga pikëpamja mendore dhe fizike dhe ka preferuar të heqë shqetësimin. Por tani shpërthen një seri skenaresh. Kryesore dhe në plan të parë është Milani që duhet të zgjedhë drejtorin e ardhshëm sportiv, sepse pa pasur konsensusin e drejtuesve më të rëndësishëm, në pritjen e zgjedhjes teknike, është e kotë të merret trajneri. Kjo do të thotë se kthehet në lojë figura e Paolo Maldinit. Nga ajo që filtrohet në seli, Gazidis i ka propozuar një rol të rëndësishëm ish-kapitenit kuqezi dhe në këto orë është duke u menduar. Reflektimi do të sjellë dhe një vendim dhe, në bazë të përgjigjes së Maldinit, do të kuptohen strategjitë e ndryshme të klubit.
Për sa i përket trajnerit, duhet të jetë një teknik që di të punojë me të rinjtë dhe që di të vlerësojë. Ideja është të këmbëngulet mbi një Milan me djem të zotë teknikisht si Piatek dhe Paqueta të blerë në janar dhe të këmbëngulet në ringjitjen në Champions me ta.
