Imazhet e xhiros së tij rreth fushës së Olimpico e puthja i gjunjëzuar nën Curva Sud në ditën e lamtumirës së tij nga Roma janë ende të freskëta në kujtesë, ashtu si përqafimi i gjatë me Francesco Totti, që shërbeu vetëm për ti shtuar një tjetër kapitull ikjes nga verdhekuqtë të Daniele De Rossi. "Unë nuk desha" janë fjalët që duket sikur dëgjohen në një video që në orët e fundit po bëhet virale.
Një frazë që duket se e ka thënë Totti në përfundim të ndeshjes Roma-Parma e që konfirmon se ish-numri 10 ishte kundër zgjedhjes së klubit për të mos rinovuar kontratën e DDR. Audio në fakt nuk është e qartë, sepse biseda mes dy flamujve verdhekuq mbulohet nga zhurmat e stadiumit, por në sekondën e 7 të videos duket piëkrisht sikur Totti dëgjohet të thotë "unë nuk desha".
https://www.youtube.com/watch?v=B3yPkjwv4Y4
