Kryeministri Edi Rama ka reaguar ditën e sotme ndaj protestuesve të opozitës, të cilët u munduan të bllokojnë në formë proteste qarkullimin e automjeteve në disa nga akset kryesore të vendit. Rama shprehet se ndihet i keqardhur për atë që ndodhi dhe se shumë shpejtë mbështetësit e opozitës do të kuptojnë se cili është fajtori.
Reagimi i kryeministrit Rama në Twitter:
Rrugës për Malësi të Madhe. Sinqerisht i keqardhur për grupet e vogla të njerëzve të mbledhur kthesave nga ata që pasi e çuan në qorrsokak PD, orvaten më kot të çojnë në qorrsokak edhe Shqipërinë!
Pak nga pak edhe këta njerëz do e kuptojnë se fajin u'a kanë udhëheqësit e verbër.
