Pas çeljes së garës për postin e Prokurorit të Përgjithshëm një muaj më parë, është regjistruar sot si kandidaturë e parë pranë Këshillit të Lartë të Prokurorisë, Olsian Çela, prokuror pranë Prokurorisë së Krimeve të Rënda.
Më herët, KLP-ja ka miratuar një rregullore mbi kriteret dhe procedurën e përzgjedhjes së kandidatëve për Prokurorë të Përgjithshëm me një mandat kushtetues 7-vjeçar. Katër kriteret kryesore të vlerësimit të përcaktuar në rregullore janë: kriteri profesional, kriteri moral dhe ai i integritetit, vlerësimi organizativ dhe i rolit drejtues, si edhe përvoja akademike, apo titujt shkencorë në formën e elementëve shtesë dhe ndihmues të procesit të vlerësimit.
