Mësohet se avokatit të njohur Edmond Saliu, ditën e sotme i kanë grabitur në shtëpinë e tij në Durrës rreth 350 mln lekë. Sipas raportimeve persona ende të paidentifikuar janë futur në banesë dhe kanë kryer grabitjen. Saliu raportoi dhe në polici se i kanë vjedhur këtë shumë të konsiderueshme parash.
Autorët kanë marrë kasafortën, e cila mbahej e mbyllur me çelës. Policia, menjëherë sapo ka marrë denoncimin, ka nisur hetimin e ngjarjes. Ngjarja është kualifikuar si “vjedhje banese”. Gjatë vjedhjes, nuk ka pasur asnjë thyerje të dritareve apo dyerve të banesës.
Policia dyshon se vjedhja mund të jetë kryer nga persona të afërm të familjes. Uniformat blu thanë se këto dyshime shtohen, për shkak se autorët nuk kanë përdorur dhunë në banesë, e kanë hapur shtëpinë me çelës, kanë marrë kasafortën me lekë dhe më pas janë larguar.
