Policia e Lezhës ka parandaluar një vrasje duke arrestuar si porositësin ashtu dhe autorin që do kryente krimin.
Ditën e djeshme, strukturat e Komisariatit të Policisë Lezhë, falë marrjes në kohë të informacionit për një ngjarje të rëndë kriminale që do ndodhte gjatë natës në fshatin Rrilë, menjëherë kanë organizuar dhe zhvilluar operacionin policor të koduar “Porosia”
U bë e mundur kapja dhe arrestimi në flagrancë i shtetasve:
S. H. , 18 vjeç, lindur në Gramsh dhe banues në Elbasan.
M. K. 43 vjeç, me banim në fshatin Shënkoll të Njësisë Administrative Shënkoll.
Shtetasi S.H, i porositur nga shetasi M.K, më datë 30.03.2019, gjatë orëve të vona të natës do të qëllonte me armë zjarri në drejtim të një shtetasi me banim në fshatin Rrile të bashkisë Lezhë ku për arsye hetimi nuk bëhen me dije gjeneralitetet e tij, dhe më pas do t’i merrte makinën në oborrin e banesës së tij për tu larguar.
Falë marrjes në kohë të informacionit si dhe zhvillimit të operacionit “Porosia”, rreth orës, 20.00, nga Strukturat e Komisariatit të Policisë Lezhë është kapur në flagrancë shtetasi S.H, në fshatin Rrile të Njësisë Administrative Shënkoll të bashkisë Lezhë në afërsi të një dyqani ushqimor me një armë zjarri automatik kallashnikov.
Në cilësinë e provës materiale janë sekuestruar sendet si më poshtë :
-një armë zjarri automatik kallashnikov
-një karikator me fishekë 30 copë.
-një çantë me ngjyrë të zezë ku brenda saj kishte 45 fishekë model 56.
-një kapuç ngjyrë të zezë.
-një palë doreza ngjyrë të zezë.
– dy aparate telefoni celular të markës Samsung.
