Ministrja e Drejtësisë, Etilda Gjonaj, ka shkuar për një vizitë në burgun e Shënkollit, pas tentativës së 6 punonjësve të policisë për të futur drogë brenda ambienteve të këtij institucioni.
Gjatë fjalës së saj ajo ka theksuar se shkeljet e ndodhura së fundi në këtë IEVP nuk do të tolerohen, por do të vlejnë si shembull për të gjithë drejtuesit e tjerë.
“Lufta kundër korrupsionit, rritja e cilësisë së trajtimit të të paraburgosurve dhe të burgosurve do të jenë temat primare në sistemin penitenciar”, është shprehur Gjonaj.
