Katër turistë mbetën të bllokuar të dielën në kanionet e Gjipesë pasi ranë në një greminë. Turistët kishin dalë për të eksploruar në terrenin e vështirë të Gjipesë. Një prej tyre pësoi edhe fraktura.
Rreth orës 20:00 u evakuuan nga ajri dy turistët e parë. Për shkak të errësirës operacioni vijoi nga toka. Dy turistët e tjerë u nxorën rreth orës 23:15. I plagosuri u transportua me barrelë drejt spitalit. Ky është rasti i dytë brenda 48 orëve në kanionet e Gjipesë, pasi më herët edhe dy turistë rumunë, babë e bijë, mbetën të bllokuar në të njëjtën zonë dhe pësuan fraktura.
