Erion Veliaj ka bërë të ditur se rreth 80% e qytetarëve kanë mbështetur idenë për të zhvendosur festimet për Ditën e Verës të dielën, më 17 mars.
Sipas kryebashkiakut, propozimi për këtë shtyrje të Ditës së Veruës erdhi për shkak se në 14 mars pritet të ketë temperatura të ulëta dhe reshje të dendura shiu.
Sipas Veliajt, shumica dërrmuese e qytetarëve tyre kanë votuar që festimet të bëhen për të dielën, e cila parashikohet nga sinoptikanët që të jetë një ditë më diell.
“Shumica vendosi! Duhet ta bëjmë më shpesh këtë! Në të tre rrjetet sociale Tëitter, Facebook dhe Instagram mbi 10,000 vetë morën pjesë në votim! Festimet për Ditën e Verës në Tiranë do të zhvillohen të Dielën ? 17 Mars – evitojmë shiun, shijojmë mbi 50 evente familjare”, shkruan Veliaj në Facebook.
