Kuvendi do të mblidhet sërish në seancë plenare këtë të mërkurë. Kreu i Legjislativit, Gramoz Ruçi mësohet t'i ketë shpërndarë disa porosi deputetëve të Partisë Socialiste.
Në mbledhjen e grupit parlamentar të PS-së është vendosur që asnjë deputet të mos mungojë si dhe janë ndaluar në formë të prerë diskutimet me objekt opozitën. Seanca duhet të përqendrohet tek ligjet që janë parashikuar në rend dite dhe tek nevojat e qytatarëve.
“Të ketë prezencë në seancën plenare dhe disiplinë. Te mos ketë diskutime me objekt opozitën, por ligjet që do diskutohen në rend të ditës. Diskutimet të lidhen me nevojat e qytetarëve”, deklaruan burimet brenda PS-së.
Ende nuk dihet reagimi që opozita do të ketë më 13 mars.
