Sindikata e Pavarur e Arsimit paralajmëron grevë të mësuesve nëse pagat e tyre nuk do të rriten me 20% deri më datën 1 Maj.
Shkak sipas Sindikatës mos mbajtja e Premtimit që Kryeministri Edi Rama e ka bërë rreth 2 vite e gjysme më parë.
Nevruz Kaptelli shprehet se pagat dhe kushtet e punës së mësuesve kanë mbetur po të njejtat.
"Nëse nuk nuk rritet paga brenda muajit maj do bejmë thirrje për grevë" paralajmëron Nevruz Kaptelli, kryetari i kësaj sindikate."
Në fund të vitit të kaluar ish-ministrja Nikolla deklaroi se buxheti i Ministrisë së Arsimit prej 39 miliardë lekësh mundëson rritjen e rrogave me 7%.
Por duket se edhe ky mars i gjen mësuesit me paga të njejta.
Në mungesë të vlerësimit financiar atyre u mbetet të ndihen të kënaqur vetëm me vlerësimin moral që politika nuk heziton ta shpreh çdo 7 Mars./ora news
