Kryetarja e Bashkisë së Roskovecit, Majlinda Bufi i është përgjigjur akuzave të LSI-së sa i takon shembjes së një shkolle. Sipas saj, nuk është e vërtetë që do të shembet shkolla, por një pjesë e oborrit të saj do të merret për zbatimni e një projekti rruge, në të mirë të komunitetit.
“Nuk ka shembje godine, është vetëm një rrugë kalimi. Le të hetohet çështja, ka vetëm një projekt për zhvillimin e qytetit. Sa për murin rrethues ai është shembur dy javë më parë”,- tha ajo.
Kryebashkiakja Bufi sqaroi se ka një vendim qeverie për shpronësimin e kësaj sipërfaqeje, në anën e pasme të godinës.
