Lefter Maliqi, ish-kandidat i PD në qarkun e Beratit, ka dorëzuar në KQZ formularin e dekriminalizimit, duke i hapur kështu rrugë marrjes së mandatit të deputetit.
Aktualisht ai është emëruar në detyrë si zv.drejtor i Përgjithshëm i Burgjeve, ndërsa prej kohësh është larguar nga PD. Maliqi është pretendenti i pestë nga radhët e opozitës që kërkon të marrë mandatin e deputetit.
Ditën e sotme, rreth orës 12:00 pritet të mblidhet dhe Komisioni Qendror i Zgjedhjeve për t’i dhënë mandatin e deputetit 4 kandidatëve nga radhët e LSI-së, pjesë e listës zgjedhore të kësaj force politike, pas vakancave të krijuara nga djegia e mandatit nga deputetët e opozitës.
Deri më tani flitet që mandatin ta marrin Ylli Shehu, Enver Roshi, Aurora Mara dhe Edmond Rrushi, por pritet mbledhja e KQZ për konfirmimin zyrtar.