Ministrja e Shtetit për Marrëdhëniet me Parlamentin dhe zëdhënësja e Qeverisë, Elisa Spiropali ka reaguar pas deklaratave të kreut të PD-së, Lulzim Basha, i cili më herët u shpreh se do të propozojë djegien e mandateve të deputetëve të partisë së tij.
I menjëhershëm ka qenë reagimi në Twitter i Spiropalit. Kjo e keqe e ka një të mirë shkruan Spiropali, e cila duket se ende nuk e ka harruar episodin e hedhjes së bojës në parlament prej deputetit të PD-së Edi Paloka, në drejtim të kreut të qeverisë Edi Rama. "Nuk do t’i marrin më rrogat për ta ndotur Parlamentin me baltë e bojë", vazhdon më tej ajo.
“Lulzim Basha tha se do digjte qeverinë dhe paska vendosur të djegë opozitën! Sinqerisht nuk do ta dëshironim kurrsesi degradimin e tyre konstant, po në këto kushte, duhet pohuar kjo e keqe e ka një të mirë: Nuk do t’i marrin më rrogat për ta ndotur Parlamentin me baltë e bojë!”, shkruan Spiropali.
