Kryetarja e LSI-së, Monika Kryemadhi ka reaguar ditën e sotme në rrjetet sociale, një ditë pas protestës së opozitës, duke thënë se do të vazhdojë beteja kundër kryeministrit Rama dhe bandave të krimit.
Ajo e mbyll mesazhin e dhënë me një shprehje të përdorur dikur prej kryeministrit, por të përsëritur shpesh dhe prej Kryemadhit së fundmi: "Nuk keni parë gjë akoma".
"Beteja kundër Ramës dhe bandave të krimit vazhdon. Nuk ka parë gjë akoma!", shkruan Kryemadhi.
Ky reagim i lideres së LSI-së vjen menjëherë pas deklaratave të bëra nga kreu i selisë blu, i cili në një komunikim për mediat mesditën e sotme tha se do t’i propozonte Grupit Parlamentar dhe Forumeve më të larta djegien e mandateve.
