Një 52-vjeçar në Shijak është arrestuar nga policia për armëmbajtje pa leje.
Artur Hushi, banues në Shijak, u kap në rrugën automobilistike Shijak-Maminaz, në orët e para të mëngjesit të sotëm me një armë zjarri automatik model PPS dhe një karikator me 35 fishekë model 54, të cilat u sekuestruan në cilësinë e provës materiale.
Materialet i kaluan Prokurorisë së Rrethit Gjyqësor Durrës për veprime të mëtejshme për veprën penale " Prodhimi dhe mbajtja pa leje e armëve dhe municioneve luftarake " parashikuar në nenin 278 të Kodit Penal.
