Në orën 14:30 kreu i Partisë Demokratike Lulzim Basha pritet të dalë në një konferencë për shtyp në selinë e kësaj partie. Kështu bëjnë me dije nga selia Blu.
Nuk dihet se cila është arsyeja e kësaj dalje para gazetarëve e Bashës, por pritet që në fjalët e tij të përfshihet edhe çështja e shumëpërfolur e ditëve të fundit ku u përgjua kreu i KQZ duke folur më një gjyqtar të Strasburgut, ku i kërkonte ndihmë në emër të qeverisë për çështjen e pronave.
Nuk dihet nëse Basha do të flasë edhe për incidentin e ndodhur orës e para të mëngjesi të sotëm ku u qëllua me breshëri automatike drejt shtëpisë së babait të gazetares së kronikës së zezë Klodiana Lala.
