Një autobus i linjës së rregullt Ulqin - Prishtinë është sulmuar me gurë nga persona të panjohur në territorin e Shqipërisë.
Incidenti ka ndodhur rreth orës 22:00 të së martës në Reps të Lezhës dhe fatmirësisht përfundoi pa të lënduar.
Gurët që goditën autobusin e kompanisë “Barileva” lanë të thyer një xham dhe një nga fenerët e autobusit duke shqetësuar tej mase udhëtarët.
Indeksonline ka siguruar foto nga kjo ngjarje. Policia shqiptare thotë se menjëherë ka nisur hetimet për kapjen e autorëve. ©LAPSI.al
