Ministri i Infrastrukturës dhe Energjisë, Damian Gjiknuri thotë se vijojnë negociatat me firmën koncesionare të Rrugës së Komit për çështjen e tarifës. Në një intervistë për Real Story, Gjiknuri tha se negociatat janë ende aktive dhe se qeveria ka propozuar që transporti urban të ketë falas, por përdoruesit e automjeteve do të paguajnë një tarifë më pak se 5 euro për një kalim.
“Jemi duke negociuar një zgjidhje me koncesionarin. Kukësi ka një specifikë. Është një qark i izoluar dhe që nuk ka rrugë alternative. Jemi duke negociuar që transporti urban të jetë falas dhe që të kos ketë asnjë reflektim me rritje në çmimin e biletës. Kjo duke ditur që shtresat më të varfra zgjedhin transportin publik. Edhe për përdoruesit e automjeteve të zonës do të ketë tarifa të ulëta” – tha Gjiknuri. Pak kohë më parë u raportua se qeveria ka kërkuar që një kalim për një makinë të vogël të jetë 1.5 euro për rezidentët. ©LAPSI.al
