Këshilli bashkiak i Lezhës ka vendosur që një rrugë në lagjen “Nënë Tereza”, në afërsi të banesës së tij, të marrë emrin e Aleksandër Ndokës, këshilltar bashkiak në Lezhë e njëherazi vëlla i ish deputetit të PS-së, Arben Ndoka, ai u vra në një atentat pranë banesës së tij në dhjetor 2017.
Në ceremoninë e vendosjes së tabelës emërtuese, veç familjarëve të të ndjerit, morën pjesë qytetarë të Lezhës dhe deputeti Pjerin Ndreu.
“Ishte një propozim i shumë qytetarëve, për kontributin dhe gjithë të mira që kolegu ynë Aleksandër i ka dhënë këtij qyteti”,- tha Kristjan Gjidodaj, kryetar i këshillit bashkiak.
Jorida Ndoka, vajza e të ndjerit e ka falenderuar Këshillin Bashkiak, ndërsa deputeti i PS-së, Pjerin Ndreu u shpreh: "Për ne është nder që jemi këtu në përkujtim të këtij njeriu që ka dhënë shumë për këtë qytet, për forcën tonë politike. Është njeri që përherë do të jetë i paharruar. Kjo është pjekje për të përjetësuar emrin e tij. Ne do të bëjmë gjithçka për të zbuluar autorin".
Aleksandër Ndoka u ekzekutua mëngjesin e 9 dhjetorit përpara banesës së tij, por as autorët, as motivet e vrasjes nuk janë zbuluar nga policia.
