Kreun e bashkisë Tiranë, Erion Veliaj e shohim shpesh teksa përqafon dhe qesh me fëmijët, por këtë herë ai u gjendet nën rrebeshin e pyetjeve të vogëlushve në emisionin "Në kurthin e Piter Pan".
Ndër pyetjet e shumta drejtuar Veliajt, një prej tyre kishte lidhje me dhunën që policia bashkaike ushtron ndaj shitësve ambulantë në trotuare.
“Kalova nga lagjia ime dhe u tmerrova. Kishte ardhur një plakë e moshuar nga fshati dhe po shiste perime, ajo e shkreta ishte me këpucët e grisura. Plaka e vjetër iu lut policisë ‘’të keqen nëna, të keqen nëna mos mi merr perimet”. – ishte pyetja e fëmijës në emision.
Ndërkohë, Veliaj iu përgjigj me refrenin e zakonshëm dhe që duket e ka mësuar përmendësh tashmë, duke thënë se kemi ndërtuar tregje dhe secili duhe të qëndrojë në vendin e vet.
“Sot ne kemi ndërtuar shume tregje, njerëzit që duan të shesin duhet të shesin në treg. Një qytet i mirë është, ku secili duhet të qëndrojë në vendin që i takon…” – tha Veliaj.
Por, si për të mos e lënë në këtë siklet dhe për ta nxjerrë nga situata, prezantuesja Alketa Vejsiu, ndërhyri dhe tha se policia e fortë e bën një shtet të fortë, duke iu drejtuar fëmijëve me këtë frazë.
“Policia e fortë, bën një shtet të fortë. Ndaj mos ia ktheni kurrë fjalën policëve” – tha Vejsiu.
Shiko nga minuta e 18 e pas:
