Organizata e Bashkëpunimit Islamik u mblodh sot në një seancë të jashtëzakonshme për të unifikuar qëndrimin pas vendimit të SHBA-së për të njohur Jeruzalemin si kryeqytet të Izraelit. Si një ndër 56 vendet anëtare të kësaj organizate, dhe Shqipëria u përfaqësua në mbledhjen e sotme, por në nivel të ulët. I pranishëm aty ishte vetëm ambasadori shqiptar në Turqi, Gent Gazheli. Vendi ynë nuk ka ende një qëndrim zyrtar mbi zhvillimet e reja në Lindjen e Mesme pas vendimit të presidentit Trump për Jeruzalemin. Sot Organizata e Bashkëpunimit Islamik u bëri thirrje të gjithë vendeve në botë që të njohin Jeruzalemin si kryeqytet të Palestinës.
©LAPSI.al
