Facebook lançoi këtë të mërkurë “reagimet” e reja në funksion të përdoruesve. Megjithatë kompania më e madhe e komunikimit online nuk ka dhënë asnjë shpjegim për këto ikona. Po kur është më e përshtatshme të përdorësh “like” dhe kur atë “love”? “Washington Post” ka treguar për “rregullat” që duhet ndjekur në përdorimin e këtyre reagimeve.
Like (Pëlqej): Njëlloj siç e keni bërë deri tani kur ju pëlqen diçka që është postuar në Facebook. Edhe me ikonat e reja mund ta bëni këtë.
Love (Zemra): Këtë reagim mund ta përdorni kur me të vërtetë pëlqeni diçka që është postuar në Facebook – diçka si “like”, por me më shumë ndjenja.
Haha: Ky reagim është kur dikush iu bën të qeshni, qoftë me zë të lartë apo thjeshtë në heshtje.
Wow: Më së shumti kjo ikonë i është dedikuar përdorimit në rastet e artikujve të rreme të lajmeve. Me këtë ju mund edhe të shprehni habi apo edhe skepticizëm e nënçmim. Kjo është një farë “unike”, një buton që facebook ka thënë se nuk do ta nxjerrë asnjëherë.
Sad (Figura e pikëlluar): Këtë mund ta përdorni në vend të “like” në një status apo foto trishtimi. Kjo mund të përdorejt kur dikush lajmëron një vdekje ose ngjarje të tjera të cilat në fakt nuk duhet të pëlqehen (Kush e pëlqen vdekjen e dikujt?).
Angry (Figura e tërbuar): Fytyra e tërbuar është shprehja ideale për një postim me të cilin nuk pajtoheni.
