“Gjallë a vdekur” është e njohur si videolojë që nga mesi i viteve “90, por tashmë vende të ndryshme kanë vendosur ta ndalojnë pasi sipas autoriteteve “është bërë shumë erotike”. Bëhet fjalë për serinë e fundit, “Dead or Alive’s Xtreme Beach Volleyball”. Seria e kaluar kishte përfshirë disa dyluftime vajzash në bikini apo në pishinë, por autoritetet britanike e kanë konsideruar variantin e fundit si të papranueshëm.
Edhe krijuesi Koei Tecmo shkroi në faqen e tij zyrtare: “Nuk do ta çojmë lojën tonë të fundit në perëndim dhe për këtë nuk do të ndryshojmë qëndrim në të ardhmen”. Shkak janë bërë edhe ankesat e shumta të prindërve britanikë se kjo lojë shumë erotike do të përfundojë në adoleshentë apo fëmijë nën moshën e lejuar. /lapsi.al/
