Drejtoria e Policisë Tiranë ka sqaruar zjarrin e rënë pasditen e sotme në ambientet e institucionit, duke shkaktuar vetëm dëme të vogla materiale.
Sipas njoftimit zyrtar të policisë, ngjarja ka ndodhur rreth orës 18:10, ku si pasojë e një shkëndije elektrike zjarri ka rënë specifikisht në sallën e rrjetit (network-ut) të Drejtorisë.
Fatmirësisht, falë ndërhyrjes së shpejtë, flakët janë izoluar dhe fikur në një kohë mjaft të shkurtër, duke shkaktuar vetëm dëmtimin e disa kabujve elektrikë.
“Rreth orës 18:10, dyshohet se si pasojë e një shkëndije elektrike, ka rënë zjarr në sallën e network-ut të DVP Tiranë. Zjarri është izoluar dhe fikur në një kohë të shkurtër. Si pasojë janë djegur disa kabuj elektrikë. Grupi hetimor po punon për sqarimin e rrethanave të rastit”, thuhet në njoftimin zyrtar.
Më tej sqarohet se aktualisht, në ambientet e Drejtorisë Vendore ndodhet grupi hetimor, i cili po kryen të gjitha veprimet e nevojshme procedurale për të zbardhur të plotë rrethanat e këtij rasti.
