Kur troket tersi hapi derën. Edhe këtë radhë, kur Edi Rama u mundua të hartojë një fjalim reflektues, gjoja për mësimet që pati nxjerrë nga revolucioni i flamingove, ai ka përfunduar sërish në autogol. Me sa duket për të ka nisur periudha kur çdo gjë që bën i përplaset në fytyrë. Ai mori të premten gjatë fjalimit në pallatin e Brigatave shembullin e një nëne me fëmijë me aftësi të veçanta, për të cilën tha se u përdor nga protestuesit.
“E kishin marrë me vete për ta kthyer në viktimë të policisë, e cila ishte aty për të mbrojtur deputetët nga dhuna” tha ai, duke dashur të nxijë imazhin e flamingove. Kryeministri shtoi më tej: “E kishin marrë me vete për ta kthyer në viktimë të policisë, e cila ishte aty për të mbrojtur deputetët nga dhuna. Ne sapo e kemi dyfishuar mbështetjen për fëmijët autikë dhe për nënat e tyre. Ky është fakti ynë. Por përjetimi i asaj nëne është krejt tjetër.
-
Një prerje në besë e Shqipërisë së re
24 Korrik, 13:42
Pikërisht aty, në fund të këtij hendeku, hynë sorrat dhe korbat me solidaritetin e tyre hipokrit. E morën me vete te Parlamenti për ta përdorur bashkë me fëmijën autik. Me të njëjtin manual si terroristët, duke i përdorur si mburojë ndërsa sulmonin Policinë e Shtetit me maska. Më pas e vunë para kamerave, e shfrytëzuan dhe e nxorën në publik për t’i qarë hallin”.
Por halli i madh që e ka zënë, i cili nuk mbulohet dot me manipulime të këtij tipi, e nxorën Ramën menjëherë bllof. Pasi dëgjoi fjalët e shefit të qeverisë, File Bulku, i ka amnistuar protestuesit se nuk qenë ata që e përdorën ashtu sikurse pretendoi gënjeshtari kronik, por se në të kundërtët ajo qe një qytetare në hallin e saj, që u godit kot së koti nga spray djegës i një policie të çakërdisur. Ajo ka sqaruar se në momentin e ngjarjes nuk ishte pjesë e protestës, por po kthehej në banesë pasi kishte shoqëruar të birin në terapi. Ajo tha se për shkak të bllokimit të rrugëve përfundoi pranë zonës ku zhvillohej protesta, ku u prek nga uji me piper i përdorur nga policia.
Dhe pikërisht në momentin kur Edi Rama donte të korrte frytet publike të një fjalimi, ku aktronte sikur kishte reflektuar, opinioni i është kthyer kundër. Të prekur jo nga përdorimi që i bënë protestuesit, por nga ai që i bëri asaj shefi i qeverisë, shumë njerëz kanë vendosur të kontribuojnë financiarisht për nënën dhe djalin e saj me aftësi të veçanta. vetëm në pak orë pas teatrit kryeministror në një fushatë të hapur në platformën GoFundMe për mbështetjen e familjes janë mbledhur rreth 150 mijë dollarë, duke dyfishuar objektivin fillestar të vendosur nga organizatorët "Brandon Forever 22 Legacy", të cilët iniciuan fushatë për përmirësimin e kushteve të jetesës së kësaj familjeje.
Më 23 korrik 2026, gjatë protestës para Kuvendit, nëna File dhe djali i saj 19 vjeçar Endi me çrregullim të spektrit të autizmit u prekën nga gazi lotsjellës dhe spraji me piper i përdorur nga policia. Historia e saj u përdor këtë të premte politikisht nga kryeministri kundër protestuesve. Por si reagim ndaj saj qindra qytetarë po kontribuojnë financiarisht për këtë familje.
LAPSI.AL
.
