Kryeministri Edi Rama është pritur me protesta këtë të shtunë në Vlorë, gjatë takimit të tij me strukturat socialiste dhe qytetarët në Pallatin e Kulturës. Ndërsa Rama ndodhej brenda sallës, ku po diskutonte për Reformën Territoriale, disa qytetarë u mblodhën jashtë godinës për të protestuar.
Policia shoqëroi Baki Goxhajn, një prej organizatorëve të protestës, si dhe tre persona të tjerë që ndodheshin pranë Pallatit të Kulturës. Goxhaj është një prej aktivistëve të përfshirë në protestat që prej 105 ditësh zhvillohen në Tiranë kundër qeverisë. Ai u bë i njohur edhe pas ndalimit nga forcat izraelite gjatë pjesëmarrjes në “Flotiljen Sumud”, e nisur me ndihma drejt Gazës.
Sipas raportimeve, protestuesit po prisnin përfundimin e takimit të Ramës për të vijuar protestën. Pas shoqërimit të Goxhajt, bashkëshortja e tij kundërshtoi veprimin e policisë dhe kërkoi sqarime për ndalimin e tij.
