Kendall Jenner ka vendosur t’i japë fund një prej thashethemeve më të përfolura ndër vite për jetën e saj sentimentale.
Në trailerin e sezonit të 8-të të reality show-t “The Kardashians”, modelja 30-vjeçare foli hapur për zërat se ajo dhe mikja e saj prej vitesh, Cara Delevingne, kanë pasur dikur një lidhje romantike.
Gjithçka nis kur Caitlyn Jenner e pyet Kendall-in për jetën e saj dashurore.
“Meqë nuk marr vesh kurrë asgjë, si po shkon jeta jote e dashurisë?”, e pyet Caitlyn.
Në një nga skenat e trailerit, Kendall shfaqet në rrëfim para kamerave dhe thotë: “Ekziston padyshim një thashethem se unë dhe Cara jemi lidhur, por kjo nuk është e vërtetë.”
Në trailer shfaqen gjithashtu pamje të Kendall dhe Cara-s së bashku në një event mode të L’Oréal, përpara se modelja ta diskutojë drejtpërdrejt këtë temë me mikeshën e saj.
“Meqë ra fjala, nuk do të isha kundër të kisha një marrëdhënie intime me Cara-n.” shprehet me humor Kendall, ndërsa Delevingne shpërthen në të qeshura.
“Mos thuaj kurrë kurrë, apo jo?”, shton Kendall duke bërë shaka.
Kendall aktualisht është e lidhur me aktorin Jacob Elordi, megjithatë emri i tij nuk përmendet në trailer. Ashtu si motra e saj Kylie Jenner, Kendall ka zgjedhur përgjithësisht të mos e bëjë jetën sentimentale pjesë qendrore të reality show-t.
Edhe lidhja e Kylie me aktorin Timothée Chalamet nuk është përmendur drejtpërdrejt në “The Kardashians”, pavarësisht se dyshja është prej kohësh në qendër të vëmendjes së mediave.
Ndërkohë, duket se Kim Kardashian do të jetë më e hapur për jetën e saj romantike gjatë sezonit të ri. Khloé Kardashian e pyet drejtpërdrejt nëse Kim ka dalë në takime me dikë në fshehtësi.
Në një tjetër moment të trailerit, Kim përgjigjet në mënyrë misterioze: “Le të them vetëm këtë: nuk mund ta kontrolloj veten.”
Khloé, nga ana tjetër, pranon se romanca është “e vështirë” për të.
“Jam beqare, ndoshta jam gati të njoh dikë”, thotë ajo në rrëfimin e saj.
Khloé ka folur më herët për vendimin e saj për të mos u përfshirë në lidhje të reja pas ndarjes nga Tristan Thompson në vitin 2022. Ish-çifti ka dy fëmijë së bashku, vajzën True dhe djalin Tatum.
