Inter e nis në mënyrën më të mirë rikthimin në San Siro, me një mori golash dhe me të gjitha siguritë e saj që rikthehen në plan të parë në fushë. Pjesa e parë ndaj Monzës ishte e pasigurt, por në pjesën e dytë erdhën tre gola brenda 19 minutash, të cilët ndryshuan ekuilibrat e ndeshjes: rezultati përfundimtar ishte 4-1, me Calhanoglu që e zhbllokoi sfidën pas gjashtë minutash dhe më pas me golin spektakolar me thembër të Pio Esposito. I vetmi që mungoi në listën e golashënuesve ishte kapiteni Lautaro Martinez, i cili u zëvendësua në fillimin e pjesës së dytë, pasi më herët ishte konfirmuar publikisht nga Marotta si i pashitshëm, duke hedhur poshtë çdo hipotezë për largimin e tij.
Inter, prove e mirë në debutim
Mbrojtja e titullit nis në San Siro, ndaj një Monze që arrin ta vërë në vështirësi Interin vetëm gjatë pjesës së parë. Varela i përgjigjet golit të Calhanoglut dhe gjatë gjithë 45 minutave të para skuadra e Juric duket me besim në vetvete, e udhëhequr nga sulmuesi i ri portugez, i cili vetëm pak ditë më parë kishte festuar dopietën e tij të parë në Kupën e Italisë.
Por pjesa e dytë nxjerr në pah një Inter krejt tjetër, të aftë për të shënuar tre gola brenda 19 minutash. Zielinski i rikthen zikaltërit në avantazh, Pio Esposito realizon golin e tretë me një goditje të bukur me thembër, ndërsa në fund Bisseck vulos rezultatin me një goditje nga distanca.
Inter rikthen të gjitha sigurinë e saj dhe ka mundësinë të testojë me qetësi disa prej afrimeve të reja, si Stones, i cili u prit me brohoritjet e San Siros, ndërsa Spence dhe Curtis Jones e mbështesnin nga tribuna. Chivu arrin ta përmbysë situatën dhe të sigurojë fitoren, duke i dhënë një sinjal të qartë kampionatit që sapo ka nisur.
UDINESE 1-1 COMO
Udinese-Como përfundon në barazim 1-1, pas një ndeshjeje të luftuar dhe të pasur me raste në “Bluenergy Stadium”. Vendasit kaluan në avantazh me Kamarën, ndërsa në fillimin e pjesës së dytë Douvikas riktheu baraspeshën. Të dyja skuadrat patën mundësi për të marrë fitoren në minutat e fundit. Fillimisht, Bayo pati një rast të artë në qendër të zonës, por gjuajti mbi tra. Më pas, kur koha shtesë ishte thuajse drejt fundit, Jacobo Ramon goditi traversën, duke i mohuar Comos mundësinë për të përmbysur rezultatin. Në fund, të dyja skuadrat u desh të kënaqeshin me nga një pikë, pas një sfide ku rastet për gol nuk munguan deri në sekondat e fundit.
