Gazetari Enrik Mehmeti ka humbur jetën në një aksident të ndodhur mbrëmjen e kësaj të shtune në plazhin e Porto Novës, në Zvërnec. 40-vjeçari po drejtonte një motor me katër rrota kur humbi kontrollin e mjetit. Sipas të dhënave paraprake, motori u rrokullis disa herë pas një manovre.
Gjatë aksidentit, Mehmeti u godit rëndë në kraharor nga një pjesë metalike e mjetit, duke pësuar dëmtime fatale. Pavarësisht ndërhyrjes së shpejtë të ekipit mjekësor, 40-vjeçari nuk arriti t’u mbijetojë plagëve. Policia po heton rrethanat e aksidentit.
