Ryan Reynolds është kritikuar pasi pranoi se kishte bërë vajzën e tij 7-vjeçare të bënte një shaka seksuale "të rëndë dhe të panevojshme" në filmin e tij të vitit 2024 “Deadpool & Wolverine”.
Personazhi i saj, Kidpool, thuhet se i thotë Deadpool-it në filmin me superhero: "Hej, kur të më duhet mendimi yt, do të të heq p*llën e Wolverine nga goja," dhe Ryan ka pranuar se vajza nuk ishte rehat për të thënë këtë fjali në fillim.
Duke diskutuar momentin, Ryan tha: "Unë jam babai i vitit që e lejova të përdorte një gjuhë të tillë, të cilën ajo me të vërtetë nuk donte ta përdorte. Ajo u kthye më vonë dhe tha: 'Dua ta them tani', kur fillova të shikoja njerëz të tjerë për ta luajtur atë pjesë.”
Fansat menjëherë reaguan ndaj veprimit të Reynolds duke komentuar, "Nuk ka asnjë arsye që ajo duhej ta thonte vetë. Është një personazh me maskë, lehtë mund të ishte dubluar," shkroi një kritik në Reddit.
Një person tjetër më pas shtoi: "Ajo është në të njëjtën moshë me fëmijën tim. Nuk mund të imagjinoja asgjë që 1. dikush do të më detyronte t'ia bëja këtë fëmijës tim (ose çdo fëmije) ose 2. do të ishte në rregull që burri im ta kishte bërë këtë."
Kjo polemikë vjen pikërisht në kohën kur aktori i “Just Friends” dhe Lively, janë në një betejë ligjore me Justin Baldonin, në të cilën çifti i martuar po e akuzon këtë të fundit për ngacmime seksuale dhe pretendime të tjera.
Baldoni ka mohuar çdo keqbërje dhe po kundërshton Reynolds dhe Lively për shpifje dhe zhvatje, mes akuzave të tjera, në një padi prej 400 milionë dollarësh.
