Kryetari i grupit parlamentar të Partisë Demokratike, Gazmend Bardhi ka komentuar situatën aktuale brenda opozitës dhe PD-së. Në një intervistë, Bardhi u shpreh se çështja e vulës së PD-së duhet të ishte zgjidhur tashmë nga drejtësia e re, pasi është një çështje me interes për demokratët, ndërsa shtoi se është e qartë se kush përbën shumica tanimë në parti. Bardhi tha se PD mund të bëhet fituese, vetëm duke qenë e bashkuar dhe duke punuar fort.
"Kjo çështje duhet të ishte zgjidhur nga drejtësia sepse bëhet fjalë për një çështje me shumë interes për publikun dhe prej më shumë se dy vitesh demokratët presin zgjidhje. Pas bashkimit nuk shoh dyshim se kush është PD. Aty ku është shumica e anëtarëve aty duhet të jetë PD. Të përçarë nuk mund të fitojmë. Edhe të bashkuar na duhet shumë punë që të fitojmë. Sot ka një rigjallërim në bazë, një rikthim shprese dhe kjo duket shfrytëzuar për të forcuar brenda PD." tha Bardhi.
