Një 45-vjeçar po përballet me akuzën e vjedhjes së disa çantave luksoze ‘Hermes Birkin’ me vlerë rreth 1.8 milionë dollarë nga një dyqan në Miami. Eduardo Travieso Garcia u arrestua pasi pamjet e kamerave të sigurisë treguan një burrë duke zbritur nga një furgon i madh dhe duke ecur deri në hyrje para se të thyente derën.
Një person tjetër doli më pas nga furgoni dhe iu afrua dyqanit me një kosh të madh plehrash gri. Personat u panë më pas në kamera duke ikur me kazanët e mbushur deri në majë me çantat me vlerë dhjetëra mijëra dollarëshe secila.
Të akuzuarit u larguan nga vendi i ngjarjes me dy automjete, njëra prej të cilave ishte vjedhur dhe tjetra ishte e lidhur me një vjedhje në fillim të këtij muaji në anën tjetër të shtetit. Menaxheri i sigurisë së hotelit luksoz u tha oficerëve se dy personat vodhën rreth 60 Hermes Birkins, me vlerë më shumë se 1.8 milionë dollarë.
Çantat shiten me pakicë për rreth 10,000 dollarë dhe rishiten për 20,000-35,000 dollarë secila në varësi të gjendjes, lëkurës dhe kombinimeve të ngjyrave.
