Kris Jenner nuk ishte shumë e kënaqur kur vajza e saj e madhe, Kourtney Kardashian, i njoftoi botës shtatzëninë e saj.
Ajo dhe Khloé Kardashian, treguan se Kourt i mbajti në errësirë kur erdhi puna për planet e saj për të njoftuar shtatzëninë në një shfaqje në Los Angeles Blink-182.
"Ajo e mori vesh në lajme, nëna ime. Ajo nuk ishte shumë e lumtur, me të drejtë," shpjegon Khloé në finalen e sezonit 4 të The Kardashians.
"U zgjova, hapa sytë dhe pashë Kourtney duke mbajtur një tabelë dhe mendova se isha ndonjë video" pranon Kris. "Dhe më pas kuptova se ishte ABC News. E dija që ishte shtatzënë, por thjesht nuk e dija se do ta njoftonte”.
Kourtney, në fakt, kishte ndarë lajmin e shtatzënisë me të gjitha motrat e saj personalisht në episodin e javës së kaluar.
“Dhe kur i thashë të shtunën, “Mami është shumë e lënduar që e bëre këtë”. Ajo thjesht tha : “Kam harruar!”” u shpreh Khloé për Kourtney. "Ajo harroi se kishte një familje," shton Kris.
“Thjesht nuk i fotva në koncertin e L.A dhe nuk e mendova se kishin dëshirë të vinin”, tregoi Kourtney në intervistën e saj rrëfyese. "Dhe unë i thashë Khloé-s për këtë. Nuk ka të bëjë me to. Thjesht ishte mënyra jonë për t'i treguar botës dhe nuk ka të bëjë me asgjë tjetër."
Më vonë gjatë episodit, Kourtney fton Kris dhe familjen e saj në festën e zbulimit të gjinisë, e cila do të zhvillohej të nesërmen. "Po më thua një ditë më parë? Kjo është Kourtney," thotë Kris, duke qeshur dhe duke tundur kokën./Lapsi.al
