Billie Eilish ka zbuluar se një këngë nga albumi i saj i fundit, “Happier Than Ever”, ka të bëjë me kolegen e saj këngëtare dhe kantautore, Olivia Rodrigo.
Duke folur me The Los Angeles Times, Eilish,tha se jo vetëm që e konsideron albumin e dytë të Rodrigos, Guts, si "të adhurueshëm", por se këngëtarja pjesërisht frymëzoi këngën "Goldwing"
Këngëtarja e "Bad Guy" tha për median se ndërsa vetëm 14 muaj i ndajnë ato në moshë, ajo ndjen një ndjenjë "mbrojtjeje" ndaj Rodrigos për shkak të rrugëve të tyre të ngjashme drejt famës.
"Unë mendoj se përvojat e të gjithëve janë kaq individuale," thotë ajo. "Askush nuk ka pasur jetën e askujt tjetër, e dini? Por unë ndjej një mbrojtje ndaj Olivias. Unë kam një këngë të quajtur "Goldwing" nga albumi im i fundit që ka të bëjë me të. Unë kurrë nuk ia kam thënë këtë askujt."
Kënga, thotë ajo, nuk ka të bëjë vetëm me të, por në fakt e ka pasur Rodrigon në mendje ndërsa po e shkruante. "Ajo po vinte dhe ishte më e re se unë, dhe askush nuk kishte qenë më i ri se unë," shtoiEilish.
Kënga, me sa duket, shërben si një paralajmërim për Rodrigon dhe këdo tjetër që hyn në të njëjtën industri. "Ata do t'ju tregojnë atë që dëshironi të dëgjoni, pastaj do të zhduken. Do t'ju kërkojnë si një suvenir, vetëm për t'ju shitur brenda një viti," këndon Eilish në këngë.
Këngëtarja e "Happier Than Ever" vazhdoi duke shtuar se ajo ndihet kështu për shumë nga vajzat e reja që has në industrinë e argëtimit, duke përmendur veçanërisht Ariana Greenblatt e cila luajti në hitin "Barbie"./Lapsi.al
