Kevin Brennan, një ish shkrimtar i Saturday Night Live, po përballet me zemërim dhe reagim publik pasi bëri komente në X (i njohur më parë si Twitter) në lidhje me vdeekjen e Matthew Perry.
Aktori, i cili portretizoi Chandler Bing në sitcom-in ikonë, vdiq në moshën 54-vjeçare pasi u gjet në një xhakuzz në shtëpinë e tij në Los Anxhelos.
Brennan postoi një link të TMZ për vdekjen e Perry-t, shoqëruar me titullin, "I mbytur në një xhakuzzi . HAHAHAHA". Ky postim në Twitter menjëherë tërhoqi kritika nga publiku.
Brennan më pas iu përgjigj një postimi të historisë së TMZ në lidhje me komentet e tij, të cilat mbanin titullin "Ish shkrimtari-komediani i SNL-së Kevin Brennan përqesh vdekjen e Matthew Perry", me deklaratën: "Nuk po tallesha. Thjesht mendova se ishte qesharake, por më pëlqen kur të dr0guarit vdesin."
Vërejtja e tij, "Më pëlqen kur vdesin të dr0guarit", është pritur me mosmiratim dhe kritikë të gjerë. Një përdorues komentoi se veprimet e Brennan ishin të nxitura nga dëshira për vëmendje, edhe nëse është negative. Një tjetër vuri në pikëpyetje besueshmërinë e tij si komedian, duke deklaruar se komedia duhet të jetë qesharake dhe se ai e kishte emëruar veten si komedian.
Vërejtjet gjithashtu nxitën fansat të shprehnin mbështetjen e tyre për Matthew, duke theksuar betejat e tij në të kaluarën me abuzimin e substancave. Aktori ishte i hapur për betejën e tij me varësinë dhe dëshirën e tij për të ndihmuar të tjerët në situata të ngjashme. Në një paraqitje në podcast në nëntor 2022, ai theksoi se donte të kujtohej për përkushtimin e tij për të ndihmuar njerëzit që po luftojnë me abuzimin me alk00lin dhe substancat./Lapsi.al
