Pas vitesh betejash, ëhstë tashmë pranë mbylljes mosmarrëveshja mes Rafael Leaos dhe Sporting Lisbonës. Dënimi në maj nga gjykata e Milanos, e cila konfirmoi vendimet e marra më parë fillimisht në gjykatat portugeze dhe më pas në Tas, kishte vendosur një dëmshpërblim në favor të klubit portugez prej 16.5 milionë euro, shifër që me interes i kalonte 20 milionë euro. Siç raporton A Bola, falë ndërhyrjes së menxherit Jorge Mendes është thuajse gjetur një zgjidhje jashtë gjykatës mbi bazën e 19 milionë eurove. Një shifër që do të ndahet për gjysmë me Lille, një klub i dënuar bashkë me sulmuesin e Milan.
19 milionë euro do të ndahen 50-50 (9.5 milionë euro secili) mes dy palëve, një vendim nga i cili mund të përfitojë edhe Milan, i cili prej kohësh është angazhuar në negociata për rinovimin e lojtarit, kontrata e të cilit skadon në vitin 2024. Leao, i destinuar për një rritje të konsiderueshme rroge, tashmë mund të takohet me klubin, pasi shuma që do të duhet të paguajë është përgjysmuar.
