Një i ri është shpallur në kërkim pasi ka plagosur me armë zjarri një 25-vjeçar. Policia bën me dije se ngjarja ka ndodhur pas një konflikti të çastit, ku shtetasi R. Gj., 29 vjeç, ka qëlluar me armë zjarri pistoletë shtetasin Xh. K., 25 vjeç.
"Nga specialistët e Seksionit për Krimet në Komisariatin e Policisë Kuçovë u shpall në kërkim shtetasi R. Gj., 29 vjeç, banues në lagjen “11 Shkurti”, Kuçovë, pasi në lagjen “11 Shkurti”, Kuçovë, gjatë një konflikti të çastit për motive të dobëta, ka plagosur me armë zjarri pistoletë në dorë, shtetasin Xh. K., 25 vjeç, i cili ndodhet jashtë rrezikut për jetën. Materialet i kaluan Prokurorisë së Rrethit Gjyqësor Berat, për veprime të mëtejshme” njofton policia.
