Në kuadër të procesit të vaksinimit anti-Covid ministrja e Shëndetësisë, Ogerta Manastirliu ka bërë me dije se këtë të hënë në vendin tonë do të mbërrijnë doza të tjera vaksine.
Manastirliu përmes një postimi në rrjetin social Facebook, shkruan se mbi 16 mijë doza të vaksinës Pfizer pritet të mbërrijnë sot në Shqipëri.
“Mbi 16 mijë doza të vaksinës Pfizer pritet të mbërrijnë sot në Shqipëri, duke vijuar lëvrimin sipas kalendarit të vaksinave anti-covid, për të rritur mbrojtjen e sa më shumë qytetarëve nga #Covid19", shkruan Manastirliu.
