Policia e Durrësit njoftoi se rreth orës 15:20, në lagjen nr.4 të këtij qyteti, 40-vjeçari Oligert Qama dyshohet se për motive të dobëta, ka plagosur me thikë, 2 shtetas të huaj (dyshohet shtetas sirianë), të cilët ndodhen nën kujdesin e mjekëve.
“Shërbimet e Policisë menjëherë kanë kapur dhe arrestuar autorin e dyshuar të kësaj ngjarje banues në Berat, i cili po shoqërohet në ambientet e Policisë për veprime të mëtejshme.
Grupi hetimor ndodhet në vendngjarje dhe po punon për zbardhjen e rrethanave të ngjarjes” – thuhet në njoftimin e policisë. ©LAPSI.al
