20-vjeçari në foto është Musaen Zeneli, një prej viktimave të përplasjes me armë që ndodhi mbrëmjen e djeshme në Velipojë, ku si pasojë e konfliktit mes dy familjeve, humbën jetën 4 persona dhe u plagosën dy të tjerë.
20-vjeçari Zeneli e kishte ditën e tij të parë të punës në lokalin e familjes Gjocaj, ku anëtarët e familjes Ferracaku shkuan për sqarim e më pas u përfshinë në konflikt armësh. Kur dy familjet Ferracaku dhe Gocaj u konfliktuan me armë, ai mori një plumb në zemër dhe nuk mundi të mbijetojë. Në xhep iu gjetën vetëm 30 lekë të vjetra, ndërsa nëna e tij thotë se nuk ka mundësi që të përballojë as shpenzimet e funeralit të djalit të saj që shënoi humbjen e dytë në familje.
